نكت21

- قالك واحد المطوكي رح دقدق في باب الجارة فتحت عليه الباب قالها عندك الطماطم
قالتو ايه...........قالها كامل عندنا ماشي غير نتي.

_________

قالكم مرة فار .... قالولو واش هي الأمنية نتاعك في المستقبل ......
قالهم حاب نكون لاسوري نتاع لوغديناتور

__________

قالك واحد دزيري جات ليه صحفية تسقسي فيه قالتو واش تدير في حياتك؟
قالها نرقد....قالتلوا لالا واش تدير في وقت الفراغ؟قالها نرقد...........
قالتو وكي ما ترقدش واش تدير؟ قالها نتكا

■■■■■■

مزطول عمرو ما دخل فليكسي فبورطابلو ...... واحد نهار وصلاتو 100 دج ......
..
قاللهم : نخليها سوفونيـــــــر

______________

الك واحد مزطول حبس طاكسي
الطاكسيور حبسلو بعيد شوية... رجع عندو مارشريار
قالو أسمع المارشريار تحسبولي فالكورسة ؟
قالو لا..لا.. باطل

قالو أديني مارشريار للدار

■■■■■■

مزطول اسمو : سالم !!

زعف من دارهم او حب يسآفر...

و هوا رايح للمطآر شاف بلاكة..

مكتوب فيها

[ ارجع لنا سالم ]

ارجع لدارهم يبكي

قالهم :
خلاص مي متزيدوش اتزعفوني

------------

بنت توزن روحها
ﻭﻗﻔت عــ ﺍﻟﻤﻴزﺍﻥ ﻭحطت 20 دينار ...

ﻭﺯنﻬﺎ 74.5...!!ا

قلعت الحذاء ﻭحطت 20 دينار تاني ....

 ﻭﺯنﻬﺎ 72.5...!!ا

ﻗـﻠﻌت ﺍﻟﺠــﺎكيت ﻭحطت 20 دينار تاني ....

ﻭﺯنها 72.25...!!ا

نحات الشال والساك والتقاشر ﻭحطت 20 دينار تاني ....

ﻭﺯنها 71....!!ا

شافت موﺭﺍﻫﺎ ﻟﻘات واحد واقــف يتفرج.....

قالها ﻛﻤﻠﻲ ﻛﻤﻠﻲ عندي الصرف

قالك هاد واحد و مرتو كانو مدابزين 

ايا الشيطان جاء عند الرجل و قالو دير  لمرتك هاك و هاك 

عاود راح  عند مراتو و قالها ديريلو هاك و هاك 

الزوجة قالت للشيطان لا نديرولو هاك و هاك  

قالها نيشان عندك الصح عاود   قاتلو   لالا  نديرولو   هاك و هاك  

الشيطان قالها علاش مسكين هاذا راجلك هههههههههه 

☻☻☻

خطرة واحد مزطول نهار عرسة ما لقاش موضوع يهدر فيه

ايا قال لمرته .

داركم علابالهم بلي راكي بايتة ليوم عندي

☻☻☻

 

.. واحد مزطول قالت له مرته دلعني باغنية رومنسية

قال لها

أهــــــــــــــــــــواك

اتمنى لو انســــــــاك....♫♪♫♪♫♫

و ارميك من الشبــــــــاك

ونزيد نرمي معاك يماك

☻☻☻

قالت لراجلها .. حبي حلمت روحي درت البارمي و شريتلي سيارة
قالها كملي الحلم بالاك ديري آكسيدون و نتهنى من جدك

☻☻☻

واحد مزطول ربح مليار ايا بغاو يقول له وخافوا  كون يقول له يموت بالفرحة

ايا الوالي قال انا نقوله

قاله كن تربح مليار واش دير بيه

قاله نقسم النص معاك

مات الوالي

☻☻☻

واحد ربح مليون  وقال لمرته ربحت مليون مسكينة بالفرحة ماتت

ايا السيد قال سبحان الله

الخير مين يجي يجي ضربة وحدة

☻☻☻

 قالك هذا واحد التلميذ..
عرف يصرّف les verbes
غير مع
je
و
tu
أمّالا واحد النهار قاتلو المعلمة:
صرفليle verbe manger
في الـ
present
مع الضمائر كامل
أيا بدا بسم الله قالها:
je mange
tu manges
وحبّس..
قاتلو المعلمة: والبقية..؟!
قالها: البقية ياكلوا الرهج

☻☻☻

مزطول أخبرته صديقته  بأن حفل زواجها غدا..
 وطلبت منه أن ينساها وان لا يتألم  على فراقها وأنها ستظل تعشقه بجنون طول عمرها .
فرفع وجهه وقال لها

.خبيلي حقي تع الحلوة و قرعة قازوز